تحذير من اللحوم والطيور المصنعة والمجمدة واللانشون والمرتديلا والسوسيس وغيرها * Warning of Meat, Chicken and Poultry processed and Frozen Luncheon Meat, Mortadella, and Sausages etc.

منقول من أحد العاملين بمصنع لحوم ودواجن مجمدة بجمهورية مصر العربية
والعهدة عليه
الصور بالأسفل
الرابط الأصلي
ـــــــــ
""
امريكانا | Koki | وطنية | Review

صاحب التجربة | نادر

الكلام دا منقول من واحد شغال في المكان دا .. مصيبه ولازم يوصل لكل الناس

دلوقتي انا شغال ف شركه مجمدات ولحوم بيضه وحمرا مشهوره(كوكي.وطنيه.امريكانا)
طبعا انتو شايفين اللبس (علشان التفتيش)
كمامه وزفت علي راسنا وبالطو وكزلك وشغلنا جوة التلاجه والمكان نضيف جدا ومظبطين النضافه تمام اوي
.
.
اول يوم لبا ف الشغل ده
كنا بنفتح اكياس سجق(منتهيه الصلاحيه)
ونعبيها ف اكياس جديده (صلاحيه جديده)
مع انها فاسده ومنتهيه بس التجميد مش مبين كده بس ريحتها مش تمام لو فكت
خلصنا السجق ودخلنا عالبرجر
بنعبي تمام وكل حاجة جالنا شحنه من التلاجه لونها اسود مالقرف اللي فيها ومن كتر ما قعدت ف ااتلاجه
ف البدايه قالولنا اللي متعجبكوش طلعوها وارموها وعبو الباقي شيلنا اكتر من نص الكميه
جه يبص لقي في تاني لسه ف التلاجات
راح قايلنا عبو اللي رميتوه تاني
والله والله اللي هياكلو ممكن يجيلو تسمم
.
.
تاني يوم ليا ف الشغل ده قررت ابعد عن التعبئه علشان القرف اللي بشوفو وتأنيب الضمير الناس اللي هيجيلها تسمم مالقرف اللي هتاكلو ده
روحت فين بقي روحت تجهيز اللانشون
اول حاجة عملتها كانت انهم جابولي اقفاص كتييييييير مليانه كراتين لانشون اقسم بالله اللانشون كان عليه ريم ابيض من كتر ما عفن
اقسم بالله كان متاكل (متحلل)
والله العظيم كنت هرجع مالقرف
كان مديني سكينه واقطع الغلاف البلاستيك اللي علي فورمه االلانشون
بعد كام ساعه ما خلصت علشان كانو كتير جدا لقيتو بيقولي روح ارميهم ف المكنه اللي هتاك ديه
اول لفظ جه ف دماغي اني قلت بصوت عالي ا*ا
انا مش طايق الريحه وعاوزني اوديه المفرمه
رميتو ف المفرمه بتاعت اللانشون
واتضاف عليه البهارات والزيت واللحمه
بعد ما خلص طالع شكلو جميل وتحس انك عاوز تاكلو
.
.
تالت يوم ليا كنت مع واحده
كانت بتشيل الغلاف اللي علي البرجل المتحلل ماللي عليه لدرجه ان لونو بقي اصفر وترميه ف المفرمه تاني
وانا جنبها بفتح اكياس اللانشون الجاهز المتقطع ومتحلل وارميه ف مفرمه اللانشون
طبعا محدش هيسدقني لو قلت ان البرجر كان بيتفرم ولاحظت دود عليه
تمام كده وطبعا البهارات اللي تخلي طعمه تحفه والالوان اللي ترجع اللون احسن مالاول كمان
.
.
انتو عارفين ان البرجر بتاع امريكانا العائلي اللي كنت بعبيه ده معدي ال ٤٠ جنيه
ايوة اللي بيجيب سرطان ده معدي ال ٤٠ جنيه
تخيلو انو ديه شرطه عاليه
امال منتجات حلال ايجيبت اللي ب٨ جنيه بتتصنع ازاي؟؟؟

.
ده كان البوست اللي كتبتو يوم الجمعه اللي فاتت
.
.=====================================
.
الصور ديه انهاردة
نبتدي الموضوع واحدة واحدة
اول صورة صورة البرجر هتلاقو صورتين صورة قبل الفرم وصورة بعد الفرم

الصورة اللي قبل الفرم ديه عباره عن ايه عباره عن ان بنتين كانو واقفين بيشيلو الاكياس البلاستيك من علي البرجر المنتهي الصلاحيه وهو تحت درجه -18
يعني بقالو فترة كبيرة + البرجر المرتجع بتاع المحلات
بيحطوها ف حله كبيره اللي هو متصور فيها وبيتاخد يترمي ف المفرومه ويتحط عليه بهارات ونسبه من برجر لسه معمول ولون طبعا علشان لونو *** زي منتو شايفين ف الصورة
وبيطلع زي منتو شوفتو وبيتم تبريده وبيبقي زي مبتشوفوه ف المحلات
.

تاني حاجة ايه هي اللحمه
اللحمه بتيجي ف كراتين داخل الكراتين اللحمه جوة مشمع المشمع بيبقي معبي دم ازاي معرفش
بيترمي اللي في المشمع كلو ف المفرومه
يعني من الاخر اللانشون والسجق واي حاجة بنعملها فيها نسبه دم كبيرة
يعني كل وانتا متطمن
ديه اول حاجة بالنسبه لموضوع اللحمه
تاني حاجة عندنا صورة شكاير
ديه اللحمه الشعبي (مجهوله المصدر) عارفين انتو اللحمه اللي بتروح لمحلات الكفته بتاعت الشارع المعفنه اللي معليهاش حتي بادج يعرفك ملت امها ايه
ايوة هي ديه
عندنا صورة تاني مكتوب برازير 2015 ده اسواء منتج لحمه بنستوردو ف البرازيل
ده رغم انو زباله اللحمه بس بنجيب ده علشان اللي بنوردو للأسف بنورد لدول كتير حول العالم كلو
وماكدونالز بتاخد من عندنا وهارديز ومحلات كتير مشهور وكنتاكي كمان بتاخد من عندنا الشنط بتتطبع بأسمها وبتروحلها جاهزة والخلطه من عندنا كمان والله بنحمرها نص تحميره وهم بياخدوها يكملوها :D
اخ نسيت اللحمه الشعبي مجهوله المصدر ديه بتيجي بتتحط ف اكياس مكتوب عليها كوكي مع العلم كوكي معندهاش غير مجازر دواجن بس معندهاش اي مجزر للحوم خالص ولا حتي محل صغير
ده علشان يخفو انها مجهوله المصدر ف بيحطوها ف شكاير زي منتو شايفين ف الصورة وجوة الشكاير اكياس لحمه مكتوب عليها كوكي
.
نخش بقي علي جلد الفراخ اللي في الصورة
ده طبعا علشان اللحمه غاليه بيرمو نسبه كبيرة جدا ف المفرمه مع اللحمه وبتدي طعم فاجر رغم قذارتها
وغير كدة كمان كانو بيحطو مصارين ورجول بس حولوها لأاعلاف وبقي جلد فراخ بس
واحد شتمني البوست اللي فات لما قولت كدة اهو الصورة اهي يبنلمرة ومصورها علشانك علي المكنه جمب اللحمه وعلي السير بتاع المفرمه كمان
.
صورة اللانشون
ديه نفس الفورمه اللي كانت متحلله وحكيت عنها ف اول البوست فوق
برضو زي البرجر كدة بنشيل الغلاف وبنطحنها من جديد والبهايم اللي هي احنا تطفح يعني نسبه دم كبيرة ف اللحمه وبرة اللحمه واحيانا بيبقي اللانشون اللي بنقطع الغلاف من عليه والله متحلل ومدود ومجبر انك ترميه ف المفرمه
.
نخش علي اخر حاجة وديه منقوله من اكتر من واحد حكالي انهاردة عنها ف الشركه
ومتأكد منها
فتره غلاء الفراخ الفترة اللي فاتت كانت الفراخ غاليه بزياده
اللي حصل انهم كانو بستوردو من البرازيل فراخ الفرخه ب 7 جنيه ف نفس الوقت اللي كانت وزاره الزراعه بتبيع الكتكوت فيه ب 8 جنيه :D :D
الكتكوت بقي اغلي من الفرخه :D :D
مش ديه المشكله بقي المشكله كانت بتيجي الفرخه جنبها ازرق غامق بطريقه ***** وكتير منهم بيبقي منفخ من الجنب ومن حتت تاني (ورم) ممكن تكون سرطانيه والله اعلم
متخيل يعني ايه فرخه 3 كيلو ب 7 جنيه
سيبك من كل ده
شركه زي ديه ليها وضعها استحاله تبيع حاجة زي كدة بتعمل ايه بقي
بيرشو عليها كيماوي يشيل اللون الازرق ده وبيخليها طبيعيه ويمكن احلي كمان (ف الشكل)
يعني مش كفايه بناكل خلايا سرطانيه لا وبناكلها بالكيماوي بتاعها
.
الصور ديه من كام ساعه بس
انا ممكن اتقتل والله لو كملت اللي بعملو ده
كل المطلوب منك تعمل شير للبوست او تمنع اهلك وعيلتك عن اي منتج مجمد او منتجات اللحوم عموما
.
بقول عموما علشان ******* اللي هيقولي تلاقيك من شركه تانيه وعاوز تعمل دعايا محدش يجيب اي اكل من برة يا جماعه ابوس ايديكو ابوس ايديكو تاني احنا علي المدي البعيد هنبقي كلنا فشل كلوي وسرطان وفيرس عالكبد وقرف والله احنا ميتين من زمان
.
اشهد يارب اني معملتش زي الاف العمال وخدت المرتب وفرحت وزقططت زي الناس
اشهد يارب اني مسكتش ولا سبت الشغلانه وخلاص زي ما كل اللي مش عاجبهم الشغل عملو كدة ومشيو وجه ألف واحد غيرهم
طبعا انا رايح الشغل بكرة عادي والله اعلم ايه اللي هيحصل يلا سبها علي الله لحد اول الشهر يمكن اعرف اصور تاني
بالمناسبه اانا كنت بصور ومستخبي لو الكاميرا شافتني هيعمل انذار ابن **** او هيقفشوني برة
ابوس ايديكو يا جماعه عاوزين نغير ف ام البلد ديه ابوس ايديكو نساعد بعض
ونمنع الحاجات ديه علشان كلو يعرف البلا اللي فيها
والشركه هتضطر تقفل بعد كدة وياريت كلو شير علشان اللي ميعرفش يعرف وتدعولي ربنا يعديها معايا علي خير علشان ممكن يحصل اي حاجة الفتره الجايه